Бүгэдэ буряадуудай диктант «Эрдэм-2025» гэһэн хэмжээ ябуулга Буряад Уласай бүхы аймагуудта мартын 15-да үнгэргэгдэбэ гэжэ бултанда мэдээжэ.
Үглөөнэй 10 сагһаа манай һургуули дотор диктант бэшэлгын площадка нээгдэжэ, нютагаймнай эгээл бэрхэ бэшээшэ зон сугларжа хабаадаба.
Эгээл үндэр наһатай Надежда Николаевна ба Ханда-Сырен Ошоровнадаа баяртай байгаабди. Эдир залуушуулдаа жэшээ боложо ябахадань омогорхонобди.
Мүнөөдэр хабаадаһан үхибүүд ба ехэ зондоо баяраа мэдүүлнэбди. Түрэл буряад хэлэеэ дээшэнь үргэжэ, дэмжэжэ ябахатнай урмашанабди.
Иимэл урагшаа һанаатай, эрдэмтэй, ухаатай, хүл хүнгэн, элүүр энхэ, золтой, жаргалтай ябахатнай болтогой! ?
Түрэлхи хэлэмнай зүрхэндэмнай адли
Түби дэлхэйдээ гансал юм даа.
Түрэлхи хэлэмнай – угаймнай захяа,
Түүхымнай урасхалай долгин ха юм даа.
Д.Доржиева.
#Эрдэм
#БуряадОрон
#80ЛетПобеды
#ВсебурятскийДиктантЭрдэм
Фотографии
